يجرح اشعوري ويندى له جبيني
الكلام اللي يجي من غير داعي

نسمع اهل الثرثره في كل حيني
واختلط صوت النعيق امع المعاعي

ياقصيدي جود لبلادي وديني
الحكومة وافية والشعب واعي

الوفاء مايقبله دم الهجيني
والسطر مايقبله قلب الرعاعي

يابلادي واصلي والله يعيني
كثروا الحساد في شتى البقاعي

دام عزك بالرجال الغانميني
المواقف مالها غير الشجاعي

الفخر باللي لهم علم يبيني
في نهارٍ ينكشف فيه القناعي

ندحم العدوان بالجنب المتيني
لينهم فيهم يضيقن المساعي

في قيادة من له الكايد يليني
مستعدٍ بالهجوم وبالدفاعي

نفخر بسلمان بالعلم اليقيني
كل مايامر على شعبه مطاعي

خادمٍ قبلة صلاة المسلميني
مايجي فيها جدال ولا نزاعي

نهجنا سنة ختام المرسليني
لا نجامل بالحقوق ولا نراعي

ورؤية محمد على ساسٍ مكيني
حي من ياطا على روس الافاعي

رؤيته تضمن صفوف الأوليني
نسبق احداث الزمن بالمستطاعي

الشاعر باين العوفي


لن يتم نشر عنوان بريدك الإلكتروني.

4 آراء على “يجرح شعوري للشاعر باين العوفي”