لا تحـــــاسبني على كثري  وقلي
والخطـــــــاء مايستره منك ثياب

تستضيف إعداي وتقعد في محلي
والمشــــاعر مالها عندك حساب
 
ماكسر  ساق الغلا  غير التغلي
وما لوى يد الهوى غير الغياب

الوصـــــل مومن وكفره التخلي
وأنت هجرك ملحد وصدك عذاب
 
يقطع الله شـجرةً من دون ظلي
لو يعانق غصــنها متن السحاب

عن عيوني ياطيوف الشوق حلي
ماورى طيــــفك مكاسيب وثواب

ويش أباخذ من طعونك ويش أخلي
مابقى عــــــندي سؤال ولا جواب

عجزت أمتون الوله والصبر ملي
وإنقــــفل في داخلي مليون باب

ياتجــــي كــلك  وأنا بجيك  كلي
أو نعيش الحلم بعـيون السراب

الشاعر/سعيد بن وارد

 


لن يتم نشر عنوان بريدك الإلكتروني.

رأي واحد على “سعيد بن وارد..وعيون السراب”