تحد الظروف الجيّد الصامل الريبال
ويثبت بوجه ارياحها لين يقشعها

تباشير وجهه كنها الماطر الهمال
ضحوكً حجاجه لو همومه يصارعها

وضعيف الشكيمه توجعه شلت الفنجال
ردي العزايم همته كيف يجمعها

لا منها حدته المعضله ماقوى واحتال
برك وارتخى وارخا كتوفه وقنعها

وانا شفت بالدنيا ارجال بلاش ارجال
على ادنات هزه تنفضح من مدامعها

عساهم بضرب مشوك محرق قتال
يفض العظام وثومة الكبد يشلعها

اقوله بعد ماشفت شي يغث البال
حدا النفس والعين الشقيه توشعها

وجازت عن المرقاد واحتلها الغربال
وضاقت وكثرت فالحنايا روابعها

ف علي الحرام ان ابلغ طعون فالرجال
لما جات زلة صاحب ماتوقعها

فلا عاد ينفعه العذر والجلال جلال
ولاعاد يمدي من نطقها يرجعها

الشاعر محمد الشرمان

عضو رابطة الابداع الخليجي 


لن يتم نشر عنوان بريدك الإلكتروني.

رأي واحد على “الشاعر محمد الشرمان وقصيدة زلة الصاحب”