ياصحوةٍ تغفى على مفرش الغيم
غلطان من سامر عيونٍ الدنيّا

ياممتطي صهوة جواد الترانيم
خفف من النبره وخلّك هنيّا

لاتزعج اللي ماتعوّد على الضيم
خابت بك الآمال والوقت عيا

وضعي تأزم بس من غير تعميم
ملعون ابو وقتٍ جمعنا سويا

الدمعه اللي تنتثر في مطرديم
مايفهمه الا كثير الحميا

ياليت اعزّيها على حظي النيم
بس المصيبه في نجوم الثريا

تلخبطت عندي جميع المفاهيم
وانا قبل شوفك ملخبط بليا

ياقاصرالنظره عيونك معاتيم
غيّر مفاهيمك لو الوقت عيّا

كانت بك النظره تعلّى على الغيم
وعزّي لمن تمسك شباكه حديّا

سعود العياش الزيد
١٤/ محرم/ ١٤٤٠


لن يتم نشر عنوان بريدك الإلكتروني.