أقسى من الجرح واصعب من تفاصيله
تزرع جراحي وتسألني عن اسبابه

يازارع الجرح وشلك في محاصيله
مايفهم الجرح غير القلب واحبابه

خلّه بقلبي وياكم لي وانا اشيله
من قبلك الروح مجروحه ومنصابه

من بعد ماطفّى حنانك ضي قنديله
بعيون شوقي وهو واقف على بابه

صكيت بابي على حزني وتأويله
ورضيت في قسمتي وماني بمرتابه

ليتك بعد ماقتلت الحلم في ليله
سافرت مع دمع طيرٍ فارق اصحابه

خلاص خلّص شعورٍ طال تمثيله
في عينك اقرى كلامٍ طوّل غيابه

تجرح، وتوقف على جرحي وتبكي له

والحب ميت زمانه كيف تحيابه

وان كان باقي غلا أو شي يعني له
اترك عذابي لصبري وهو ادرى به

اقسى من الجرح واصعب من تفاصيله
تجرح وتسأل عن المجروح وش صابه

الشاعرة علا الحارثي

عضو #رابطة_الإبداع_الخليجي 


لن يتم نشر عنوان بريدك الإلكتروني.