يا ذايق   الخذلان   ماجور    ماجور 

ياعل  مكتوب    الهوى   فيه    خيره

بالأمس اشوفك هايمٍ في غلا  الحور

 واليوم  قلبك   يشتكي  من  سعيره

كنت  احسب العشاق  بعيونهم   نور

 أثر   العيون   اللي   تناظر    ضريره

أول  لقاهم  حب   و احساس ٍ يثور

 وآخر     لقاهم    عينهم   مستثيره

  يا عاشقين  الورد   بالدور   بالدور

  كلٍ   يزاحم  دون   عقل  و  بصيره 

احساسكم  ماعاد  له هيبة حضور

اقفت مع    الطير  المهاجر    بحيره

حتى الغصن عوده من الشوق مكسور

ميل    بعد   ماهو    يخايل    غديره

يااهل القصيد اش قومكم في حرا الشور 

 وابياتكم    تشكي  عذابٍ   و  غيره

كلٍ  يقول   اني  مريض و   مسحور 

واثره  يعاني  من   موادع   خشيره 

أواه  يا  حزنٍ   له   ايام   و    شهور

 متجددٍ  و  اذكره   في   كل   سيره

حتى  مكاني حايرٍ داخل   السور

 لكن   فكري    يمطر     بكل    ديره 

الشاعرة دلال القحطاني

عضو #رابطة_الإبداع_الخليجي 


لن يتم نشر عنوان بريدك الإلكتروني.