الرئيسية / ابداع القوافي / شف عيوني للشاعر : نومان سحل

شف عيوني للشاعر : نومان سحل

شف عيوني في غيابك كيف جفّت
ما بقى الا صورتك في وسط عيني

يا غلا نار الغلا ما يوم خفّت
كنّها تاكل حطبها من سنيني

وابتسم لا سلهمت عيني ورفّت
ادري انك في غيابي تذكريني

كل ما جت سيرتك قمت اتلفّت
اتوقع يغلب الشوق وتجيني

المشاعر من رحيلك ما تعفّت
روّحت مثل الرسل بينك وبيني

والعقول الي على العشق استخفّت
مع كثير شكوكم زايد يقيني

طاهره ما شفتها من يوم قفّت
ولو نويت اشوفها اقطع يميني

والله اني قلت في قلبي توفّت
والقبر ما بين اهدابي وعيني

الليال الحالكه كفّت ووفّت
من وجعها ك انّها تقطع وتيني

لكن ايماني غلبها يوم صفّت
وشرقت شمس الحقيقه في جبيني

الشاعر : نومان سحل

عن admin

Avatar

اترك تعليقاً

لن يتم نشر عنوان بريدك الإلكتروني.