الرئيسية / ابداع القوافي / يجرح شعوري للشاعر باين العوفي

يجرح شعوري للشاعر باين العوفي

يجرح اشعوري ويندى له جبيني
الكلام اللي يجي من غير داعي

نسمع اهل الثرثره في كل حيني
واختلط صوت النعيق امع المعاعي

ياقصيدي جود لبلادي وديني
الحكومة وافية والشعب واعي

الوفاء مايقبله دم الهجيني
والسطر مايقبله قلب الرعاعي

يابلادي واصلي والله يعيني
كثروا الحساد في شتى البقاعي

دام عزك بالرجال الغانميني
المواقف مالها غير الشجاعي

الفخر باللي لهم علم يبيني
في نهارٍ ينكشف فيه القناعي

ندحم العدوان بالجنب المتيني
لينهم فيهم يضيقن المساعي

في قيادة من له الكايد يليني
مستعدٍ بالهجوم وبالدفاعي

نفخر بسلمان بالعلم اليقيني
كل مايامر على شعبه مطاعي

خادمٍ قبلة صلاة المسلميني
مايجي فيها جدال ولا نزاعي

نهجنا سنة ختام المرسليني
لا نجامل بالحقوق ولا نراعي

ورؤية محمد على ساسٍ مكيني
حي من ياطا على روس الافاعي

رؤيته تضمن صفوف الأوليني
نسبق احداث الزمن بالمستطاعي

الشاعر باين العوفي

عن admin

Avatar

4 تعليقات

  1. Avatar
    فريح المحيني

    صح لسانك واعتلا شانك والله يعز الوطن ويرفع رايته تحت حكومة سيدي خادم الحرمين الشريفين

  2. Avatar

    صح لسانك شاعرنا باين

  3. Avatar

    صح لسااااانك شاعرنا باين

  4. Avatar
    باين العوفي

    صح الله ابدانكم لاعدمت وجودكم
    وكل الشكر لرابطة الابداع الخليجي

اترك تعليقاً

لن يتم نشر عنوان بريدك الإلكتروني.