الرئيسية / ابداع القوافي / على طريق الأمل

على طريق الأمل

على طريق الأمل ،، مالت غصون الغرام
وانا عيوني مازالت للقى آملة…..
 
ياغيمة الشوق ،، قطرات المواصل حرام ؟!
والاّ حديث الغلا مكذووب ومجاملة؟؟
 
والصمت كيف استباح اللي بقى من كلام!.
على نقيض الوفا ،، يالقصة الكاملة..
 
حتى هجير الفراق ،، اللي ردونه ظلام..
اقبل وهذي ردونه للشقا حاملة…
 
ترجف ضلوع الصبر من قسوة الانتقام ..
والروح تاهت وكلمات العطا صاملة..
 
غريب واللي لقاني مايرد السلام …
رغم اختلاف الظروف الناس متحاملة؛.
 
وأدركت فرق التعامل مع كبار المقام..
في واقعٍ يستعيد الكلمة الخاملة…،
 
والنفس فيها ومنها غيرةٍ وإحترام ..
وأحكامها تستثير جروحي الداملة…
 
وإن كان هيض التجافي يصنع الانقسام
مايقنع الصادق اللي نظرته شاملة
 
وإن غابت الشمس وأذن للصلاة الإمام
السر تحت الضلوع أدرآه وآعامله..
 
هذي تجاعيد وجه الشوق صارت وسام..
يمسح عليها شديد الحزن بآنامله..
 
ضاعت طريق الأمل ،، يبست غصون الغرام
وانا عيوني ماعادت للقى آآآملة…
 
محمود آل مخلص

عن admin

Avatar

اترك تعليقاً

لن يتم نشر عنوان بريدك الإلكتروني.