الرئيسية / ابداع القوافي / ماعاد لي خاطر

ماعاد لي خاطر

ماعاد لي خاطر على نظم الابيات
دام القصيد الجزل ماله مواري
 
كم فكرةٍ جتني وراحت ولاجات
راحت تسابقها هبوب الذواري
 
وكم فكرة تملا فضائي طموحات
واخلف مساري لاتغير مساري
 
احياناً اكتبها عشان ارضي الذات
واحياناً ادور لمخرج طواري
 
شاعر طموحي ماتحده مساحات
وهاجوسي مسميه ذيب الغداري
 
لانامت عيون المريحين مابات
بين القلم والبوك والليل ساري
 
افتح ملفات واقفل ملفات
واختار لي قول يزيد اعتباري
 
حتى ليا مني صعدت المنصات
كلا يصفق لي ويرفع شعاري
 
في ذمتي ماجيب غير الجزيلات
اللي تشرفني وتحفظ وقاري
 
شعرٍ ورثته من زبون الونيات
جدي عتيق اللي بشعره اماري
 
قصايده فيها حكم وابتهالات
وفيها من التاريخ ماكان جاري
 
قصايدٍ تثبت فعول وبطولات
سموا البقوم مخضبين الشباري
 
وابوي علمني علوم الجزالات
ولـ المرجله والشعر شبيت ناري
 
لو كان مالي خاطر بنظم الابيات
كتابتي للشعر شيء اضطراري
 
 
ناصر الرياحي

 

عن admin

Avatar

اترك تعليقاً

لن يتم نشر عنوان بريدك الإلكتروني.