الرئيسية / ابداع القوافي / سرينا والله العالم وش اللي بالصدور يدور

سرينا والله العالم وش اللي بالصدور يدور

سرينا والله العالم وش اللي بالصدور يدور
 
ولاندري وش اللي صار في قصة موانينا
 
نبي نوصل قبل ماحّلامنا يطلع عليها النور
 
نخاف النور لو يطلع نعَوّد مثل ماجينا
 
سنين وما تجرأنا نصارح حضرة الدكتور
 
عن الجرح القديم اللي منسينا اسامينا
 
سنين وما كسبنا من وراها غير حفر اقبور
 
تضاريس الزمن بوجيهنا تحكي مأسينا
 
من اول ماولدنا ماعرفنا غير ذا محظور
 
ولامنا تكلمنا تعال اخذ العزا فينا
 
تعبنا من زمان الصمت واوقف باخر الطابور
 
تعبنا من هذاك الحائط اللي انخاف يوحينا
 
تعبنا وانتعش بصدورنا بركان ضد الجور
 
تعبنا ننتظر صرخة تحرر كل مافينا
 
تعبنا من صورنا الباهته وبروازها المكسور
 
وتَعّبّنا الدروب اللي تبرت من خطاوينا
 
تعبنا ننتحل شخصية الشمعة ودور النور
 
تعبنا نسكن الهامش على ذمة محامينا
 
رحمك الله ياجدي نصحني مزرع ارضٍ بور
 
ولا اسوق الرجل لبيوت تعجز لاتذرينا
 
رحمك الله ياجدي نصحني اخذ الميسور
 
ولاننسى عيونٍ تسبر الدرب فحراوينا
 
انا اذكر يوم كنا حول ناره والبلد ممطور
 
ونادى ياعيالي طارفٍ منكم يقهوينا
 
ودارت دلته بالكيف دله ذكرها مشهور
 
وسولف لين قال الله يسقي ذكر ماضينا
 
رحمك الله ياجدي عيالك سلمو بالدور
 
تراثك واكّتبوا للماضي انّقَدم تعازينا
 
وانا ياجدي اعذرني على قبرك اجي مقهور
 
واسولف لك عن البحر الذي ماعاد يروينا
 
ولاتنشدني يا جدي عن اللي بالصدور يدور
 
على روحك سلام الله وحنا الله يقوينا
 
مفلح الثبيتي

عن admin

Avatar

اترك تعليقاً

لن يتم نشر عنوان بريدك الإلكتروني.