الرئيسية / ابداع القوافي / يامكثر الاصحاب

يامكثر الاصحاب

يامكثر الاصحاب ياخوي لاكن
ماكل صاحب في القسى ينعزابه
 
اللي يقدر قدره واحسن الظن
واللي ماقدرك أتركه وش تبابه
 
أحد ليا عطيته السر يعلن
وأحدن يكن السر محدن درابه
 
وأحدن على غيبتك يطعن ويلعن
ويسأل وبين في سواله جوابه
 
واحدن على غيبتك جالس محزن
حزنه يعبر وين طول غيابه
 
واحدن ليا جيته ببيته تون ون
واحدن فرح ويقول يامرحبا به
 
والا عدوك دايم لخيله يعن
ويقول ذاك الادمي ما هقابه
 
مايدري انه تحت نابين يطحن
يطحن طحن من جد ماهو لعابه
 
ومالك ومال اللهو واللعب والفن
اللي يدورها مضيع شبابه
 
وان جاك ضيف قهوه الهيل والبن
الضيف له واجب وعز ومهابه
 
وان جاك سائل لن عطيته بلا من
لاتمنها لابد تلقى ثوابه
 
هذه نصيحه بالكلام الموزن
للي يباها من بعيد أو قرابه
 
لكل من له عقل للعلم يفطن
ولكل ذيب يعرف درب الذيابه
 
وصلوا على اللي منذر الانس والجن
محمد رسول الله ومعه الصحابه
 
ماجد الدملوكي

 

عن admin

Avatar

اترك تعليقاً

لن يتم نشر عنوان بريدك الإلكتروني.