الرئيسية / ابداع القوافي / الشاعر ذيب العبيدي

الشاعر ذيب العبيدي

الارض تبكي
—–
اكبر من الغيمه كرم ،، مالك ،، الكون
اللي على ،،، كونه جزال ،،، عطاياااه
 
ساق السحاب وهل من جوده امزون
وبين الرعد ،، والبرق لمحة ،، مناجاه
 
كن الرعد، زفره وراء صدر ،،، مغبون
والبرق ، يكشف له مخاريج منجااه
 
يعني تبون الصدق والصدق قانون
كم صيحت ماهي بصيحة معانااه
 
الارض تبكي ،، مالها جفن وعيون
من كثر ماشافت فجور ،، ومحابااه
 
نطلب كريم المد والجود ،، مضمون
والله كريم ،، ماغفل عن ،، مناداااه
 
لكن فتقنا السيف والسيف مسنون
نطلب ،، وننسى كل يوم ونعصاااه
 
عثنا كرم ماهو كرم يشبع ،، ابطون
الا عبث ،،، ومسابق في ،،، المباهااه
 
كم من فقير في عشاء البيت مسجون
وكم من مريض مات ، من جور ماجاه
 
وكم من رضيع سد جوعه من الشون
وكم من يتيم مالقى ،،، باب ينصااه
 
واهل المزاين في رضى المال يمشون
في فكرهم شهره ، وفي عينهم جاااه
 
انعام ربي ،،، مالها صاين ، وصون
مثل الجبال ،، مكومات ،،، وملقاااه
 
واهل الرياضه في ، عماهم يهيمون
اكبر ،، هموم الكون ،، فوز المباراااه
 
واللي على الشاشه ،، هدفهم يغنون
انشد عن اللي في الصغر كيف ربااه
 
غرس تقاليد ،،، العهر هز ، واللحون
وقال استمع لفلان ، واشلون مغنااه
 
هذا صحيح العلم ،،، لو كان تدرون
وبل السماء ، فالارض مابان ملفااه
 
كفر النعم والحسد والضلم والهون
بين البشر ،، والارض تنبت مجافاه
 
ياهل القلوب اللي بها الغل مدفون
كم شيخ قوم ،،، راح من فوق مركااه
 
ماينفعه ،،، مالاً ولا زند ،،، ومتون
ماينفعه ياكود ،،، سجدة مصلاااه
*****
ذيب العبيدي

 

عن admin

Avatar

اترك تعليقاً

لن يتم نشر عنوان بريدك الإلكتروني.