الرئيسية / ابداع القوافي / من ابداعات الشاعر نايف بن محمد

من ابداعات الشاعر نايف بن محمد

سـلام  ياشيخ المراجـل  جملهـا
عودٍ شهـر صيته بطيب الفعايل
مجـالسه  تعـرف  وكلـن  دهلها
راع الكرم والجود وافـ الخصايل
مـن  خلقته  ماذكـر  يومٍ  قفلها
ينصاه من يشكي لهيب القوايل
كفه  مثـل  مـزن  تحـدر  هللهـا
له  فـزعة  تشفي  كبـودٍ  غـلايل
سيـرة فـرج بالعـز محـدٍ جهلها
ترفـع له البيضا على كـل طايل
ابـن  قضيعين  المواقف  بطلهـا
لانشفت  الارياق  سـوا الهـوايل
ابـومنـاحـي  لـثـقـيـلـه  واهـلهـا
جمـل محـامل لا وقف  ماتمايل
لاثقـلت  القـاله  بـرك  واحتملهـا
يشهـد على قولي شيـوخ وقبايل
لااشـوار لادارت  واجـاته  فتلهـا
حكيـم  راي  اوحـجتـه  بالـدلايـل
وليـا نقض له حجتةٍ ضـاع املها
يعمي خصيمه لـو عيـونه تخـايل
اهل الحيـل  ضيـع  بفعله  عملها
مـن نظـرة عيـونه يضيـع التحايل
اعـداه  مـن  صـوته  يبين  زملهـا
الصاطي الصارم عمى كل عايل
ســود  النـوايا  مـايـهمـه  زعـلهـا
يلطم خشوم عـداه راع الصمايل
وان  قـال  كـلـمـه  مـايدوّر  بدلها
مـواقـفـه يـضـرب عـلـيهـا المثـايل
فـعــايـلـه  يـاقـل  مـنهـو  فـعـلـهـا
في عصرنا الحالي و وقت الاوايل
عينه على العليا مايرضى سـهلها
ورثه مـن جـدوده عـريب الســلايل
*****
نايف بن محمد
——————
اغلى هديه يمكن انها تجي لك
مرايةٍ تكشف عيوبك مع الناس
 
اسمع كلام النصح لامن حكي لك
خلك وسيع الصدر لاتصير حساس
 
ماينصحك ياكود شخص يعني لك
يبغاك فالقمه مثل صافي الماس
 
لاتزعلك كلمه تجي من خليلك
وتروح في هاجوس وخماس وسداس
 
ركز وميز واسئله وش دليلك
ان كان صدق القول فـ أقبل ولاباس
اعزم على التغيير وانفض شليلك
لاتعاند الواقع مثل طابخ الفاس
 
احذر تقول الصاحبك ياحليلك
من بعدها وزنك ترا وزن قرطاس
 
لاتحاول التبرير يظهر حثيلك
وتكثر الاعذار تعرف بالافلاس
 
بدل مساراتك وغير دليلك
ولا تستمع في راي حاسد وبلاس
 
لوجاك فازع قول يالله دخيلك
الحمره ماتنجب فروخ قرناس
 
لان الضعيف ضعيف مايحتمي لك
لاكبرت القاله تنكس تنكاس
 
احرص على اللي فالقى ينثني لك
يفزع ولو يمشي على حدود الامواس
 
لاضدتك دنياك يشفي غليلك
يعطيك من عمره بلا حد وقياس
 
رايه  وفعله  لـ الثريا  يشيلك
عزيز نفس ورفقته ترفع الراس
*****
نايف بن محمد

 

عن admin

Avatar

اترك تعليقاً

لن يتم نشر عنوان بريدك الإلكتروني.