الرئيسية / ابداع القوافي / الدروب : مها الجهني

الدروب : مها الجهني

الدروب اللي ذهاب ابلا رجوع
والظنون المُتعبه والخايبه
والرماح المرسلة من كل نوع
خلت طعون القصايد نايبه
لين يهوي هاجسي ضيقه وجوع
ضامي ٍ قافي على زهايبه
كل ماجف الوجع بين الضلوع
 تنبت جروحي على سحايبه
شجرة ٍ متعمقة أصل وفروع
  وحزن ثابت ماآعرف سبايبه
وقلب مظلم محرقه كثر الشموع
 وعين من كثر المواجع ذايبه
والشعور  اللي غدى كله صدوع
  من  كثر ما يجرحــه  قرايبه
مثلي اللي لا قويه ولا  جزوع
لا  شجاعه لا  ولآني هايبه
حيرتي بين المواقف والجموع
والخُطى المتعثره  والصايبه
أرتكبت الوصل فالوقت القطوع
ذنبي اللي  عنه  ماني  تايبه
ولويهب العمر من ضيق ودموع
ويثني غصون  الفرحَ هبايبه
مابكيت الضيق والخافق قنوع
ولا شكيت اللي يجيب الغايبه
مها الجهني

عن حصة بنت عبدالعزيز

حصة بنت عبدالعزيز
سألني أحدهم عن كنة الصمت . فقلت : الصمت هو تعالي الذات عن سفسفة السفهاء ، فـ لهم عربدة الكلام : ولي لمعان الصمت !!

تعليق واحد

  1. Avatar

    روووعه ، صح لسانك ، فالك التوفيق

اترك تعليقاً

لن يتم نشر عنوان بريدك الإلكتروني.