الرئيسية / ابداع القوافي / خلنا نستريح: شجن

خلنا نستريح: شجن

ياكريم الغياب ويابخيل الحضور
يامسافر لصمتك ساكت ومستبيح
دمعي اللي توارى في يدين السطور
جرب اتحس فيني لو شعورك جريح
عيش لجلي محبه بالحنايا تثور
حاول تحب واقف ليه دايم طريح
ازرع الورد الأبيض كون للصدق سور
وانثر اسمى معاني للهنا واستريح
شفت فيك انتمائي عشتك اصدق شعور
وافي ورغم حزنك كنت جداً صريح
ساهي تلم جرحك لين جرحك يجور
والشجن لو تلمّك بس وصلك شحيح
كنت اسولف عشانك عن غرام العطور
وابتسم لو خفوقي للمآسي ضريح
وامدح احساسك اللي مااعتلاه الغرور
وادري انك تجامل  ماتحب المديح
كنت أغنيك وارسم في خيالي زهور
وآتمادى واسافر للغمام واطيح
في كفوف السحابه واحتفل بالطيور
والمطر والاماني والبياض الفسيح
كنت أبيـ…../ بس يكفي كل سكة عبور
تمتلي ذكريات ودمع عيني يسيح
ياتجي وامتلي من رجعتك ليّ نور
ياتمادى وغادر  خلنا نستريح
شجن

عن حصة بنت عبدالعزيز

حصة بنت عبدالعزيز
سألني أحدهم عن كنة الصمت . فقلت : الصمت هو تعالي الذات عن سفسفة السفهاء ، فـ لهم عربدة الكلام : ولي لمعان الصمت !!

7 تعليقات

  1. Avatar

    ممتنة لكل هذا اللطف🦋
    ليس مستغرباً على صحيفتكم..

  2. Avatar

    هلا بالي له الخافق يهلي
    مشاءالله ولا حول ولا قوة الا بالله الله يحفظك ويحميك ي رب ي جعل عينك ماتشوف الا الي تبيه وعسى ضحكتك ماتفارق وجهك الحلو

  3. Avatar
    جميلتك مها السميري ♥️

    صح لسانك ياروحي مبدعه دايم قسم أحبك الله لايحرمني من وجودك بحياتي ♥️

  4. Avatar
    أمول العصيمي ..♡

    صح لسانك .. مبدعه كعادتك والى الامام حبيبتي ♡

  5. Avatar

    صح لسانك ابدعتي باحساسك و أناملك
    و اتمنى لك الاستمرار و ان شاءالله اشوفك شاعره مشهوره

  6. Avatar

    كلمات مسبوكة .. وأبيات محبوكة .. وجرس وموسيقى .. وعاطفة جيّاشة .. وروح أطلّت من خلال نافذة الحرف ..
    لقد تركتي بعضك هنا .. فلله درّك ..

  7. Avatar
    فاطمة سعيد (الزهيراء

    ماشاء الله اختي شجن صح لسانك وابداعك

اترك تعليقاً

لن يتم نشر عنوان بريدك الإلكتروني.