الرئيسية / ابداع القوافي / نار الشعر : فجر الجنوب

نار الشعر : فجر الجنوب

‏راجع سواياك وافهم نبرت احساسي
‏ازعل من اخطاك  تاره واعذرك تاره
‏مازلت قاسي عليه والزمن قاسي
‏ والقاسي اليا اعتذر لي اقبل اعذاره
‏ماحد يصيطر علي وشوري براسي
‏اعرف علوم السنع. ماني ب محتاره
‏لحظه بذكرك قبل تقول لي ناسي
‏ترى الوفاء من صفاتي ماهوب عاره
‏من عزت النفس وعزومي قوي باسي
‏واللي  رفع لي قدر مرخصت مقداره
‏فوق الجدي  والثريا هناك مجلاسي
‏دايم مـكانـي عزيز وللـقمـر جـاره
‏يامنهل العز لاتشرب سوى كـاسي
‏نار الشعر في جنـابي ماطفت نـاره
فجر الجنووب

عن حصة بنت عبدالعزيز

حصة بنت عبدالعزيز
سألني أحدهم عن كنة الصمت . فقلت : الصمت هو تعالي الذات عن سفسفة السفهاء ، فـ لهم عربدة الكلام ولي لمعان الصمت !! الكاتبة الصحفية / حصة بنت عبدالعزيز

3 تعليقات

  1. Avatar

    ماشا الله صراحأ شاعر متمكنه انشهد لله

  2. Avatar

    الله الله صح لسانك ، مبدعه

  3. Avatar
    ابو تركي الروقي

    مبدعه دايم. احسن وطلق شاعره جنوبيه كفو يابنت الجنوب

اترك تعليقاً

لن يتم نشر عنوان بريدك الإلكتروني.