الرئيسية / ابداع القوافي / يالله وانا عبدك

يالله وانا عبدك

يالله وانا عبدك على وعدك وعهدك ما أستطعت
ولالي  عوينٍ   غيرك انت ايعينني ياذا  الجلال
 
انت القديرانت العزيزانت العظيم اللي صنعت
الكون   كؤنته   بأمرك    واتضح    فيه  الجمال
 
وانت   الذي   من  فوق  عرشك  ياالهي  ارتفعت
ملكاً  ماهو   ملكك  يارب  الكون   تاليه   الزوال
 
وانا الضعيف اللي برحمة خالقه واجره طمعت
يارب ترحم  ضعف نفسي  عند توجيه  السوال
 
امنت بك واخلصت  لك وابدينك  الحق  اقتنعت
ورضيت   بمحمد   نبي  مافيه   شك   ولا جدال
 
وقنعت باللي لي عطيت  وراضئٍ  باللي منعت
محدٍ  سواك  ايصرف  ارزاق  الخلايق  بأعتدال
 
لو ان  رزقي   عند   غيرك    لارويت    ولا شبعت
لك الشكر  والحمد  ياربي  على  الرزق  الحلال
 
ويارب  ساعدني  على   فعل الجميل  اذا فزعت
اساعد   المحتاج  وانفع   كل   كفو  من   الرجال
 
وانك  تسامحني  على  قطع  الردي  اذا  قطعت
بقطع   وصاله  حتى  لو   انه   يناديني   تعال
 
ويارب   تغفر   زلتي   لاجيتك   وفيك   اجتمعت
في  ساعةٍ    ماعاد    فيها    لا مفرّ   ولا   مجال
 
من  خشيتك  كلما  اتذكر  ماقفي  قدمك  دمعت
وكلما  اتذكر  رحمتك  امن   لو  اني   كنت  ذال
 
حراز البقمي

عن admin

Avatar

اترك تعليقاً

لن يتم نشر عنوان بريدك الإلكتروني.