الرئيسية / ابداع القوافي / ياسناب لايجزاك من جيت بالخير

ياسناب لايجزاك من جيت بالخير

ياسناب لايجزاك من جيت بالخير 
غيرت حتى اهل النفوس الاصيله
 
حتى الجفا كثرت عليه المعاذير
ومن قبل يا بعد الاهل  والقبيله
 
كنا معازيبن وصرنا ” مسايير “
وكلن على “الزلّه ” يناظر خليله
 
صاروا يشوفون السلق والمشاهير
غش ومثاليات لاجل ” الحصيله “
 
نادر يصبّح حرمته دوم بالخير
مثل البلابل في غصون البتيله
 
وفلان قال وردت فلانه الشير
وبنت الحسيني كشّفت عزتي له
 
وفلان جاب الماس وفلان بيطير 
وفلان دكتور النحافه ” بجيله “
 
وحنا مثل رف القطا والعصافير
من صفحه لصفحه نشب الفتيله
 
اذا ذبل غصن الشجر غادر الطير
وان جف ديد الشات صفّط صميله
 
واذا النعش مادِق فيه المسامير
” والميت ” بكتوف الاوادم نشيله 
 
حنا خوي الغانم ان جفت البير
وتبّت يدين مدورين ” الرذيله “
 
سناب ماغيّر هل الطيب والعير
ماغيّر الا اهل الردى “والهبيله”
 
فارس الدبيان

 

عن admin

Avatar

اترك تعليقاً

لن يتم نشر عنوان بريدك الإلكتروني.