الرئيسية / ابداع القوافي / لي الله يا ليل الشقا والحزن والاه

لي الله يا ليل الشقا والحزن والاه

لي الله: يا ليل الشقا والحزن والاه
 ولي الله: يا وقتً نوى قلبي بّوجعه
 
ولي الله: يا داءً عجزنا نعرف دواه
ولي يالله: ياللي رحت عني بلا رجعه
 
انا كيف؟ مدري كيف!! أنساه.. كيف أنساه؟
 وانا كيف اداري العين لا تذرف الدمعه؟
 
وانا كيف اجاوب خافقي كل ما ناداه؟
 اقول الزمن ذي عادته والغدر طبعه
 
حبيبي حبيبك من بعد ما افترقتو .. تاه
 ينادي ولكن في الزمن ماحدٍ سمعه
 
ينادي بصوتٌ مرتفع لين رد صداه
على الهون مابه من يدلك على الجمعه
 
قضى العمر واقف ويتفرج على المرأه
 يشوفك بعينه والدمع شوهك لمعه
 
وطيفك ليا سير نهض قلبي وعشاه
 وطيفك ماجاني عاني الا وله طمعه
 
على جمر شوقي لك تقهوى على مركاه
 ويسهر معاي الليل كله على شمعه
 
وانا خاطري ضايق يبيه ويبي فرقاه
  لقد هذي علومه وذا طبعه و شرعه
 
انا صرت مجنونك مثل قيس مع ليلاه
وانا الظاهر اني زدت في حبك الجرعه
 
ومن زيادته اصبح حبيبك يعد خطاه
يعاني من الحرمان والفقد والفجعه
 
نضم لك من الابيات ما لم يتم احصاه
 قوافي فريده نادره جات مجتمعه
 
لعل وعسى تسمع من اللي كتبت اشواه
  وتاخذ من اشعاري وتقرى كذا طبعه
 
ولك الله ياقلبً تعنا وزاد بكاه
 لاتبكي على زرعً ذبل من قبل زرعه
 
ياقلبي انا مقدر اوقف كذا واتناه
ياقلبي انا لابد ما ارمع لي برمعه
 
نايف بن مشعل

عن admin

Avatar

اترك تعليقاً

لن يتم نشر عنوان بريدك الإلكتروني.