الرئيسية / ابداع القوافي / كل اليمن حنا

كل اليمن حنا

مشاعري   ذ الليل   ماهي  و لابد 
احاول   اسرح   بالفكر    للبعيده 
 
يمكن يجيني  بارقٍ  من ورا الحد
واشوف  نوٍ   يحتفي  به  شهيده
 
يابو فهد و السيف  ما هو  بيغمَد
في وجه من هو لاعبٍ فالسعيده
 
طال الصبر والجو  يبرق و يرعد 
من فوق عبّاد الخوى  و  المكيده
 
لابد   ما    يومٍ  يجينا  و  يشهد
ان  التحالف   حقق   اللي  نريده 
 
غصبٍ  على من خان و الا تعربد 
نرفع شعار  النصر فوق الحديده
 
كل  اليمن  حنا  و حنا   لهم   سد 
نحمي  ثراهم  بالسيوف  العتيده
 
ياصالح  اللي خان  ماهو  بينجد 
الثعل  في  جحره   نوينا   نبيده
 
دام الخليج  اليوم له  جيشٍ اجلد 
ناطى على خشم العدو  ثم نحيده 
 
واللي يخون  المملكه  لازم  يصد
ناخذه  من   راسه و نقطع  وريده 
 
نجمعك  والحوثي على قبرٍ  اوحد
واللي  بدا   ندفنه.  راسه  و جيده
 
شردت  شعبك  والدما  تحتري
خليتهم   … كل  ٍ  يدور    و   ليده
 
تهنى بريح  الموت  و البيت  ينهد؟ 
ياويلك  من  الله  وش مستفيده
 
تشبه سواد الليل  يالوجه الاقرد
اشعلت ضوك و انطفت فيك سيده
 
والحوثي  اللي صابته لطمة  الخد
يبكي  على  حظه  و ينعى   فقيده
 
صاروا طعام وحوش من غير مَنشد 
والشايب المنحوس يبحث    بريده
 
واليوم حنا  صف  ما   يفرقه    حد
واللي  يحوم  من  القفا  تبت  ايده
 
نحمي ضيوف  الله  واليوم  تحشد
كل   القوى   مانرقب   اللي  يشيده
 
شي   ٍ لوجه    الله   و  اليد    باليد
حتى يتم   الضيف   حجه و  عيده
 
يا مرحبا    باللي   على   دارنا   لد
نهديك من جزل  القوافي  قصيده 
 
وان كان ودك   تبتدي   صدرنا   عد
هذي  ضلوع  المملكه  لك  و طيده 
 
دلال القحطاني

 

عن admin

Avatar

اترك تعليقاً

لن يتم نشر عنوان بريدك الإلكتروني.