الرئيسية / ابداع القوافي / قال الـذي يصخر

قال الـذي يصخر

قال الـذي يصخر قرايض نـضايمه
دام الـقريحه بجـزل الـشـعـر عايمه
 
بـديت  أعـبر مـن  يـنـابـيع  قـافـي
أمـثـال تـهـدا لـلعـقـول الـفـهـايـمـه
 
هـذي نـصـيحه والـنصيحـه ثـمـينه
لـلي  يـقـدرهـا ويـعـرف  وسـايـمـه
 
لن الـنصـايـح  في  زمـان الـقـداما
تـشرى بثـمن لـن الـتجـارب عـلايمه
 
أحـشـم جـنابك عـن مغـالـط مـفـوه
لـو أنت في وقـتن غـريـبه نـسـايـمه
 
أفطن ترا العوصى بلا عقال تسري
حـذراك تـودعـهـا تـذب الـخـرايـمـه
 
لـوذاك مـن قـصـده بهـرجـه يـغـثـك
من دون حـق ولا خشا من ضلايمه
 
أحــذر  وحـاذر  جـنـبه لا تجـابهـه
خـله عـلى عـمياه يـشـمـخ عـرايمه
 
مـايـلـحـق الـهـراج رجـلاً مـجـنب
ولا عـذرب الأجـواد سـب الـلآيـمه
 
لابـد مـن  يـومً  يـجـيـلـك لـحـاجـه
لكـضّـه القاصي وضعفت عزايمه
 
يـجـيـك مـلـهـوفً وضايق وناسي
لـلـدغـتـه الـلي بأول الـوقت نايمه
 
أيقـف معه لا ترتـضي في مهونته
أدحـم عـدوه لاتـوسـل الـضـايـمه
 
لجل الرجوله والـشّـبوح الـبعـيده
الـرّجـل يدمـح والـوفاء من لزايمه
 
ون جـتـك  عـوجـا من  رفـقـك وزله
بـالاولـه خـل الـتـسـامـح يـسـايمه
 
مـض الـثـلاث وبعـدهن قـول عـنتر
يصار كـبـده مـن بـلا الـزود زايمه
 
يـعـاد فـي هـرجـه وخـبـثـه يـغـثـك
الـضرس يقـلع عـن بـاوي سقايمه
 
ولاتخاوي اللي يخلف الوقت طبعه
حـذراك  ياسـمـع  كـلامي تـلايـمه
 
علـيـك في خـوت صديـقـاً صميدع
لـيـا نـتهـض تقـفي بوالع خصايمه
 
حـراً يـنـومـس  بـالـوازيـم  يـافي
ياقـف مـعـك مايـرتـضـيـلك بلايمه
 
لـيـا حـكـابك مـسـرداً مـاسـمع له
يـذود عـنـك ولا يـجـاري شـتـايمه
 
وش عـاد لـونـه بعـيـداً وقـاصـي
بـطـيـبه قريب وقـمـة المـجـة رايمه
 
واحذر من اللي رفقته لك تجسس
يـزرع ثـقـه والـخـاتمه لك سهايمه
 
وإلا الـضعـيـف لو تنفرز ضعيف
خـفـه ولا قـاس الـلـيـال الجهايمه
 
لاتجامل اللي يودع الجمع شتى
بالـكـذب والـغـيبه يفـرق قـسايمه
 
ناساً تـمـيدح برخـاء بالـسـوالف
ولاهاجت الهيجاء سوات النعايمه
 
تبغى الـسلامه من نهـاراً يـشيب
عـلى سبيل الضبي يحمد قـوايمه
 
ومـن لا يـمـيز مـنـطـقه قـد عـرفه
مغـتر في نـفـسـه وكـثرت وهـايـمه
 
وحذارك نـفـسـك لاتطاوع نويها
النفس طيراً في سما الغي حايمه
 
……..
    عيد ساكر الهبداني

عن admin

Avatar

اترك تعليقاً

لن يتم نشر عنوان بريدك الإلكتروني.