الرئيسية / ابداع القوافي / ذايق الخذلان للشاعره دلال القحطاني

ذايق الخذلان للشاعره دلال القحطاني

يا ذايق   الخذلان   ماجور    ماجور
 ياعل  مكتوبالهوى   فيه    خيره 
 
 بالأمس اشوفك هايمٍ في غلا  الحور
واليوم  قلبك  يشتكي  من سعيره
 
كنت  احسب العشاق  بعيونهم   نور
أثر   العيون   اللي   تناظر   ضريره
 
أول  لقاهم  حب   و احساس ٍ يثور
والخاتمه   عين    الموادع    سهيره
 
يا مشترين  الورد   بالدور   بالدور
كلٍ   يزاحم  دون   عقل  و  بصيره
 
ماعاد    للعاشق      مكانٍ   ولا   دور
اقفى مع    الطير   المهاجر    بحيره
 
غصن الهوى صاير من الهم مكسور
وابياتكم    تشكي  عذاب   و  غيره
 
كلٍ  يقول   اني  مريض و   مسحور
واثره  يعاني  من   موادع   خشيره
 
أواه  يا  حزنٍ   له   ايام   و    شهور
متجددٍ  و  اذكره   في   كل   سيره
 
شوفوا مكاني حايرٍ   داخل  السور
لكن   فكري    يمطر     بكل ديره
الشاعره  دلال القحطاني

 

عن admin

Avatar

اترك تعليقاً

لن يتم نشر عنوان بريدك الإلكتروني.