الرئيسية / ابداع القوافي / محتوى القصة وترتيب الصور

محتوى القصة وترتيب الصور

ياللي نسجت من الغياب لمن تولع بك عذاب

عدى عذابك وانكتب للقلب من بعدك عمر

وش رجعك غيبتك عزه لك وعودتك اغتراب

عودتك تحسب لك هزيمه لو تفكر تنتصر

شمت بجنابك واقتفيت الصمت ودروبك سراب

والدرب من خطوه لخطوه في مشاويرك سفر

وانا انتضرتك لين مليتك وقلب الصبر ذاب

حتى بعد ماجيت ماكنك على بالي تمر

سألتني عن ذكريات الحب وايام الشباب

ودورت في بيض الدفاتر من معاناتك شعر

واطرقت راسك بعد ماعطيتك من العزه جواب

ان الغياب يعلم الرجال وش معنى الصبر

يقلون حزن الحرف يولد من معاناة الغياب

لكن غيابك ماعنى قلبي ولاسبب كدر

قصدك بترجع تنتصر وتشوف حضي كيف شاب

تحسب حساب ان الوصل رشة سحاب على جمر

وجيت ولقيت ان ابتعادك صفحتين من الكتاب

ماغيرت في محتوى القصه وترتيب الصور

مشكلتك انك جيت تبحث للقصايد والعتاب

وجيت ولقيت اوراقي ابيض منك مافيها خبر

 

عوضه عثمان

عن حصة بنت عبدالعزيز

حصة بنت عبدالعزيز
سألني أحدهم عن كنة الصمت . فقلت : الصمت هو تعالي الذات عن سفسفة السفهاء ، فـ لهم عربدة الكلام ولي لمعان الصمت !! الكاتبة الصحفية / حصة بنت عبدالعزيز

اترك تعليقاً

لن يتم نشر عنوان بريدك الإلكتروني.