القلوب

ما كل من شافت عيونك لها ( حل )
مرات تنظر ( للمحرم ) عيونك

لكن ترى فيما تشوفه ( خذ و خل )
عليك باللي فطره يناسبونك

الناس بالاطباع في ( كثره و قل )
منهم سما و البعض ( عندك و دونك)

قلوب للتطبيب و قلوب للغل
و قلوب مغزاها تحاول تخونك

و ( وجوه ما تنمل) و ( وجوه تنمل)
يبونك الظاهر و هم ما يبونك

يا قلب خله حاضر أحساسك و خل
شورك صواب و صون ياللي يصونك

( الزين ) عاقبته مثل بارد الطل
و ( الشين ) عاقبته إثارة شجونك

و اللي من أول وهله رضاك يحتل
هذاك ف الآخر يخيب ظنونك

واللي يسولف لك عن البعض و الكل
باكر يبا يجلب عليهم ظعونك

و اللي عن أسمك تصرف الشوف و تزل
ما ( يجهلونك ) بس ( يتجاهلونك )

يا ويل حالي يا زمان الشقا ول
مشاكلك تكتض منها غصونك

من كل وجه ن بالخيانات مبتل
يضحك لك و قصده يطيح ركونك

ودك إذا نادى لك تقول له ( عل )
و غيره اذا نادى لك تقول (عونك)

مختلفه النيات و الكل مختل
لكن رياحك يا جبل دوم دونك

يا عل تبرد حرة القلب يا عل
و يا عل يا ضيقه نسدد ديونك

حمد الحكماني

عن حصة بنت عبدالعزيز

اترك تعليقاً

لن يتم نشر عنوان بريدك الإلكتروني.