الرئيسية / ابداع القوافي / لا تبتلش فيني

لا تبتلش فيني

لاتبتلش فيني ولا…. ببتلش فيك
 
دامك مزاجي طاري الشوق خلّه
 
والله لتبطي ما لحقتك اراضيك
 
الا… تموت وما غفرت الّك زله
 
الى…. متى وانا احنّك وداريك
 
وانته تعاملني على غير مله
 
شقيت صدري لاجل اضمك وادفيك
 
وطعنت قلبٍ(ن)من زمن مستحله
 
واحرقت عمري لاجل انور لياليك
 
قانوني ان (الخل تحت امر خله) 
 
وكن العمر منّك ابتدى وانتهى فيك
 
عايش معك في دنيةٍ(ن) مستقله
 
ياكثر ما لاموني الخلق واغليك
 
مسحور مدري صابني منّك عله
 
صحيتني من حلمي اللي معَليك
 
للواقع اللي حطني في مذله
 
مدام جرحي سار ما عاد يعنيك
 
خساره ان الدمع لاجلك اهله
 
ادري احبك وادري اني ابا ابكيك
 
لكن والله ماغَفرّت…. الّك زله
 
مفلح الثبيتي

عن admin

Avatar

اترك تعليقاً

لن يتم نشر عنوان بريدك الإلكتروني.