الرئيسية / ابداع القوافي / يازين الاقدار

يازين الاقدار

يومٍ(ن) عرفتك قلت يازين الاقدار
 
اثر السّعَد مكتوب للي كماية
 
ودعت انا الحرمان في ركبّ الاسفار
 
عاجز عن التعبير ترجف خطاية
 
واسري معك في ليل واحلا م وافكار
 
وكن الوسيعه ماتكفي هناية
 
هذا شعوري جزء من جزء واختار
 
وحط الحروف الحاسمة للنهاية
 
انا تركت السر في صدر الاحرار
 
والحر ما يحتاج كثر الوصايه
 
لاتحّسِبِنّ الليل يبطي بلاسرار
 
جاك السّحر يحفر عن اصل الحكايه
 
والّيَاانكشف سر الوفا شبت النار
 
واهّل الوفا للنار تصبح وشَايه
 
ايوالله ادري  منت لاعب وغدار
 
لكنّ اشوفك ماتعدى البداية
 
يا الصّاحب اللي حير القلب واحتار
 
كيف؟؟؟الوسيله مالها اليوم غايه
 
انا رضيت بواقع الوقت لو جار
 
ترى المصايب !!!!عادةٍ(ن)من صبايه
 
عطني قرارك لو قِسَتّ فيه الاعذار
 
جبر الخواطر ما يخفف عناية
 
دامك سمعت اليوم صيحات الانذار
 
اما الفرح والا مراسم عزايه
 
مفلح الثبيتي

 

عن admin

Avatar

اترك تعليقاً

لن يتم نشر عنوان بريدك الإلكتروني.