نزيف الجرح

 وش بقى في تالي العمر وسنينه
       غير قلبً من نزيف الجرح فاضي
والله انه ما زرع فيني غبينه 
    غير لمحه في السواد وفي البياضي 
بيني وبينك علاقاتً متينه  
          والعتاب يجوز والمنطق رياضي 
والسوال اللي قطع حبل السكينه 
             غير قابل للتغاضي والتراضي
حتى لو صدري مساحاته مدينه 
      والعيون تضيع في عشب الفياضي 
لا متى؟ قلب المولع تجرحينه 
        ولا متى؟ وانا بطل دور التغاضي
يا القوام المشق يالعين الحزينه
         العمر لك محكمه والحب قاضي 
انتظرتك والبلا صرت الرهينه
            بين جدران الغرام الافتراضي 
وش.. تذكرتي من العشق وحنينه 
          تحسبين النحو كله فعل ماضي
 يالغلا حب البدو لا تحسبينه 
     مثل حب اللي على الجوال فاضي 
م.. انتي بحاجه… لقلبي تسألينه
     اسألي قلبك وانا.. بالحكم.. راضي
 
 
          مبارك الحارثي

 

عن admin

Avatar

اترك تعليقاً

لن يتم نشر عنوان بريدك الإلكتروني.