الرئيسية / ابداع القوافي / الحاله اللي تمر احيان وتعدي

الحاله اللي تمر احيان وتعدي

الحاله اللي تمر احيان وتعدي
الليله الظاهر ان مامنها فكه

ترفقي يا هجوس الخاطر وهدي
والا تراكي يمين الصدر في الدكه

اخاف تظهر علوم وينفضح سدي
وانا اتحاشى الخفيف وظنه وشكه

ودي وودي ولا جتني على ودي
ياكبر هقواتي ويا مطول السكه

اقوي العزم والا الوقت متردي
واشوف كن الجبال السود مصتكه

واخذ مع الهاجس المختال واودي
وارفع مقام الرجاء وايمم لمكه

يارب زدني مدد واخلف علي مدي
واشدد من ازري وفك الصدر في التكه

واجعلني البس لباس ضافي قدي
واحفظني من الزلل والكلمة الركه

صابر بفضلك ومتحمل ومتصدي
وبقدرتك سجن صدري تقدر تفكه

و ان كان بعض البشر متحالفه ضدي
فأبواب رب البشر ماهيب منصكه
::::
مشعل بن سابر

 

عن admin

Avatar

اترك تعليقاً

لن يتم نشر عنوان بريدك الإلكتروني.