دموع الرجل تذرف

دمـوع الـرجل تـذرف بـلا شـك ويبـوح
بالشـعـر يشـرح وش حصـل مايـعيبه

يبكي  مخـافة  ربـه  اللي  لـه  الـروح
لابـد  تخشـع  لـو غصبهـا  غـصـيـبه

ويبكـي علـى دينـه ليـا صـار مجـروح
مصـيببته  في  نقـص  دينه  مصيبه

ويبكـي على مـوت القـرايب ومسمـوح
يبكـي  علـى  الطـيب  ولاهي  غـريبه

ولـو يبكـي تـراب الوطـن قيـل مـبيـوح
مـوتـه  فـــدا  داره  شــهـاده  وهـيبـه

ويبكي ولـده ان صـار مامنه مصـلوح
مـن  كثـر  تقصيـره  يشـوف  الغليبه

ويبكـي على مافات  قـرمٍ  وطحطـوح
يســري  بليــل  كـان  ماينســري  به

وبعض البكـا بيصيـر راعيه مفضـوح
ينقـص  وقـاره  عنــد  صبـيٍ  وشـيبه

مثـل اللـذي يبكـي دجـل كـذب وينـوح
ويقـول  دمعـي  هـل  لااجـل  الحبيبه

واللـي  على الكـوره  بكـا وين  بيـروح
مـن نضـرة  العـاقل  وشـرهت  قـريبه

          نايف بن محمد