يا قوّ عينك

‏يا قوّ عينك تحاسبني بغلطاتك
كنك تبى كسرتي وانا ابحث لجبرك
 
تبرر اخطاك بسكوتك ودمعاتك
كني انا المجرم اللي حافرٍ قبرك
 
وعتاب عينك ليا طولت فسكاتك
امر وادهى لو الكلمات تحت امرك
 
تصد عني وتذبحني بنظراتك
وانا اعتذر عنك لي واقبلك واعذرك
 
 ‏ياكثر ما اشتاق بس اسمع لكلماتك
وياطول وقتي على ما يبتسم ثغرك
 
تبخل عليّه وتعذيبي ملذاتك
واشوفها حب واغلا مثل ما اعتبرك
 
اقول احبك وتزعلني بآهاتك
وتقول صبري نفذ واقول ياصبرك
 
مغرور لكن غرورك اجمل صفاتك
حلو الدلع فيك ياصغرك وياكبرك
 
تحرقني الغيره ليا شفت مرآتك
تنظر بها دوم وانا جالس انتظرك
 
ياكثر ماودي اضمك وانا ذاتك
واحكي لك الحب وابكي لك على صدرك
 
وتشوف حبي عسا تخجل من سواتك
وتخفف غيابك اللي ماخذٍ عمرك
 
كن الدروب الك ودتني لمرضاتك
وان كنت دربي فانا والله ماعبرك
 
تبغى الحقيقه عتابك ضمن حسناتك
اقلها اشوفك بعيني ولا انتظرك
 
 
عضو رابطة الإبداع الخليجي
رائد العتيبي

 

عن admin

Avatar

اترك تعليقاً

لن يتم نشر عنوان بريدك الإلكتروني.