الرئيسية / ابداع القوافي / محاورة أعضاء رابطة الابداع الخليجي

محاورة أعضاء رابطة الابداع الخليجي

نبي نغنّي كان احد مانام مثلي ونعوي
عوي الذياب اللي على المرقاب تشكي جوعها
 
وان كان ماحد رد صوتي لي فحيل الله قوي
باردد الطاروق واشكي هم واطيها على مرفوعها
 
علي بن دغيش
 
الذيب جاك وقّوم المعنى على الطرق السوي 
وانا خويك وانت من قوم .. نعرف اطبوعهااا 
 
الصوت له قيمه وراع الصوت فارس وبدوي 
في مجلس الشورى طوى الصفحه على موضوعها 
ذيب العبيدي
 
وين انت ياذيب العبيدي وانت لي سعد الخوي
ماعاد غنّينا ونفس اخوك تشكي روعها
 
ياوجد روح اللي هبوب النود تلوي به لوي
في ساحةٍ  يعتب مثولثها على مربوعها
 
علي ابن دغيش 
 
جاك العبيدي فالطفوح يطير طيره ويهوي 
والجو غايم والخباري ناتقن جربوعهااا 
 
ياللي هبوب النود تلعبه وشاويته شوي 
اقراء مراسيم الدول ، تقدر على مشروعها 
 
ذيب العبيدي
 
الليل والمعنى قنابل صوتها يدوي دوي
كثرت على بعض الهواجس وابتلشت بنوعها
 
 
وانا قسم ب الله عند النايبه صلف وقوي
لا آداني الهزعه ولاني في سنع مهزوعها
 
علي ابن دغيش 
 
الليل والمعنى دلال صفر في نحر الضوي 
والله يشوع اللي عباد الله يدور شوعهااا 
 
والنعم يالمطنوخ ، وردها على العد الروي 
وانا عدودي عارف ياصاحبي ينبوعهااا 
 
ذيب العبيدي
 
تفازعو  الشعّار  ياستّار والليل سروي
وانا حصاةٍ. في طريق القوم يصعب زوعها
 
 
ياطول ليل القاف واللي ماشرب شرب وروي
العد راهي والسواني شبرها من بوعها
 
علي بن دغيش 
 
اتبع مسارك بالعدال ان طعتني لاتلتوي 
حنا نميز بين كرسوع العلوم وكوعهاااا 
 
انا على مد النظر وازوي محاريفي زوي 
والنيه النيه ونفسي ماشي في طوعهااا 
 
ذيب العبيدي
 
ياذيب
والدنيا كليفه والرواق ايش يحوي
والذيب شاته يامحلفنا كفّها كرسوعها
 
مدري عن الايام وعيون الجوا كانت جوي
راحت  شلافيح الصمايل وانفلت مردوعها
 
علي بن دغيش 
 
ياهيه 
والباب الحمر ، ماهو يدخلك الحوي 
راع الجمال العفر جيته ماقبل مقطوعها 
 
ايامنا صلفه وبعض الناس كاويته كوي 
وانا متاهات الحياة اخذت من قرطوعهاا 
 
ذيب العبيدي
 
ياذيب وانت الشاعر الخبره وانا اللي فوظوي
متهيّض وصبّيت خاليها على مقروعها
 
الشعر هاجوس الظماير بارقه مثل النوي
اللي تراوزها الهبايب حين صب ادموعها
 
علي ابن دغيش

 

عن admin

Avatar

اترك تعليقاً

لن يتم نشر عنوان بريدك الإلكتروني.