الرئيسية / ابداع القوافي / دورة الأيام ورتني العجايب

دورة الأيام ورتني العجايب

دورة الايام ورتني العجايب
وصرت اعرف الناس والدنيا عجيبه
كم رفيق صد وبليا سبايب
وكم صحيب ماعرف قيمه صحيبه
والدليل الراس من مقدمه شايب
صادم الايام حتى بان شيبه
كم جفوه قلوب ووجيه وحبايب
روحو محدن تذكر يوم طيبه
وصرت اصدق عون في قوله عقايب
يوم قال احوال خلق الله عجيبه
لين شفت اللي له الخفاق ذايب
سعد عين اللي بها الدنيا حبيبه
قبل اشوفه كنت انا من الحب تايب
ويوم شفته زاد باالخافق لهيبه
وقلت دام الراس تطرقه الهبايب
غير وصله في حياتي ويش ليبه
وكان صد ولا حصل تلقى النصايب
فوق قبر اللي توفا من حبيبه
 
الشاعر : حمدان بن خلف الخالدي

عن admin

Avatar

اترك تعليقاً

لن يتم نشر عنوان بريدك الإلكتروني.