الرئيسية / ابداع القوافي / جفول الفيافي

جفول الفيافي

فهيد زيد

مشارب ديارك يا جفول الفيافي سيل
‎ومرابيعك الوسم البكور و مخاييله

غضيضٍ تثنَّىٰ كن ما في عظامك حيل
‎و تذيّر من الزملوق ما كن لك حيله

تخيل النجوم الساريه مع كموم الليل
‎و تذرّا ورا مجدولك اللي شهاليله

سحابٍ نزل هتّانه المنهمر في ليل
‎ودرج سيله الاسود وهو ما درج سيله

وانا منك يرثىٰ لي مع الليل يا قنديل
‎طريح السهر من باقي الليل ياويله

تتوق لـصباحٍ فيه نبت الربيع اكليل
‎بعد ماسرى ليلك وطاحت قناديله

يورىٰ لك ان الشمس تومي لك بـمنديل
‎تغازل ضوى وجهك وهو من ورا الشّيله

كلامك فراتٍ يندرج منبعه من نيل
‎وسكوتك سحابٍ لا ضبابه و لا زيله

و انا و القصايد و الجواهر نحبك حييل
‎يليق الغرور بـزينك الفارق الليله

عن admin

admin

اترك تعليقاً

لن يتم نشر عنوان بريدك الإلكتروني.