أبوي

سمو الوايليه _ الرياض

 

ياهجوس الشعر جودي بالقصيد وبالمعاني

يومك بكل الطروق اللي مضت منتي رديه

 

ويا إله الكون جملني وحل عقدة لساني

عل يفقه من جهل قدر الابو حجم القضيه

 

تاج راسي، نور عيني، عزوتي، عزوة اخواني

يكفي اني احمل اسمه من ورا اسمي بالهويه

 

والله اني لو عطيته بري وصافي حناني

بعد شيبه ماجزيته من حقوقه لو شويه

 

لو يشوف الضيق فيني من فرح عمره عطاني

يزرع الضحكه بوجهي لو بقلبه نار حيه

 

كم سهر ليل وتحمل كايد ضروفه عشاني

فوق راسي حط كفه عن لهيب القيض فيه

 

من صغر سني يومني بعالي امتانه مكاني

لين زفوني وانا اسمع تمتمات ادعاه ليه

 

ياكبر قيمة غلاه شلون شالته المحاني

كل لحظه في زياده لين ماذوق المنيه

 

لا ابتسم لي واهو راضي مابقى عندي اماني

بسمته تحقيق اماني ترهن الكون بيديه

 

ياعسى مافقد وجوده في حياتي لو ثواني

وجعلني من قبل لا ابكي فقدته يبكي عليه

عن admin

admin

اترك تعليقاً

لن يتم نشر عنوان بريدك الإلكتروني.