نهاية نفق

 

فهيد زيد       

                                                      

يا زين قلب الرحابه ضاق فيه الأفق
‎عطاك عن ثقب الابرة وصف ولا كفى

يشوف له نور لكن في نهاية نفق
‎ويجتاز كل النفق والى وصل له طفا

لو يدري القلب عن قل الوفا ماخفق
‎لو يقضي العمر كله ما يعرف الوفا

القلب ماله شبيه الا قليل الوفق :
‎اللي يسوق القدم لكن حصيله حفا

طيرٍ جناحه على هقوة جناحه : صفق
‎عاف الوكر والسبوق وطاار لين اختفى

حلق ورا البعد ما دوّر لـ دربه رفق
‎الا الذعاذيع والصدر الخلي والجفا

روّح بلا أصحاب ينطرهم بـ ساعة شفق
‎وبلا صداقة وجيه ولا رفاقة : خفا

لا تتبع الناس لو عمرك بـ فوهة تفق
‎اتبع هدى الله وما في سنة المصطفى

عن admin

admin

اترك تعليقاً

لن يتم نشر عنوان بريدك الإلكتروني.