الرئيسية / ابداع القوافي / واحد من السبعان و انت قحطاني

واحد من السبعان و انت قحطاني

يقولي وش فيك تغليه بالحيل
واحد من السبعان وانت اقحطاني 
 بلاه والله مايعرف التفاصيل
هذا اخوي الا عضيد الزماني
عشر سنوات سود شهب محاحيل
راحت وانا واياه مثل الاخواني
ياما تقاسمنا قليل المحاصيل
قدام لايعطيه رب عطاني
ويا ما عرجنا عرجتن مالها كيل
لاهاب عنها اللي عزومه هواني
وياما ضربنا تختن لاسرى الليل
لا غمضت عين الردي واستكاني
مرن نحرها الجدي نطوي الميل
ومرٍ نحرها سهيل اليماني
كم مرتن جيته وانا واني الحيل
والحمل جاير والظروف تحداني
وشال الحمل مني وراحت تساهيل
وقال احتزم لا حاص عنك الجباني
يمناه ماتذبح سوى قرح الحيل
والبيت مدهل للربع والعواني
عبدالله اللي فيه ماقبل الاقاويل
ياجعل يفداه  الردي والهداني
امديري من روس ربعن مشاكيل
لهم على التاريخ مجد وكياني
من روس قوم تتعب الهجن والخيل
غلبا تغلب من عاد قاسي الزماني
من وادي الخرمه ليا رماح والغيل
ماتعنز العنزه على اية مكاني
تعنز على الشلفا وضرب المصاقيل
والرمح والخنجر وضرب العماني
ذيدانهم ترعى قفر دارج السيل
ترعى ديار القوم جهرا عياني
وتدله اللي من بلدهم محاويل
وتورد الضامي وتعني العواني
وقبلي وقبله فعل روس الرياجل
اللي لهم جيره وقدرٍ وشاني
مفرج هو والمهادي الحلاحيل
حطولهم فعلن عديم بياني
ولولا البطاقه واختلاف التساجيل
سجلت انا سبيعي وهو اقحطاني
 
الشاعر :  شديد ال سعد

 

عن admin

Avatar

اترك تعليقاً

لن يتم نشر عنوان بريدك الإلكتروني.