الرئيسية / ابداع القوافي / لي الله ياليل الشقى

لي الله ياليل الشقى

لي الله: يا ليل الشقا والحزن و الآه
لي الله: يا وقتٍ نوى قلبي بّوجعه
.
لي الله: يا داءً عجزنا نعرف دواه
لي يالله: ياللي رحت عني بلا رجعه
.
انا كيف؟ مدري كيف! انساه كيف انساه؟!
 وانا كيف اداري العين لا تذرف الدمعه؟
.
وانا كيف اجاوب خاطري كل ما ناداه؟
اقول الزمن ذي عادته والغدر طبعه
.
حبيبي حبيبك من بعد ما افترقتو تاه
ينادي ولكن في الزمن ماحدً سمعه
.
ينادي بصوتٍ مرتفع لين رد اصداه
على الهون مابه من يدلك على الجَمعه
.
قضى العُمر واقف ويتفرج على المرأَه
 يشوفك بعينه والدمع شوهك لمِعه
.
وطيفك ليا سير نهض قلبي وعشاه
وطيفك ماجاني عاني الا وله طمعه
.
على جمر شوقي لك تقهوىٰ على مركاه
ويسهر معاي الليل كله على شمعه
.
وانا خاطري ضايق يبيه ويبي فرقاه
 لاقد هذي علومه وذا طبعه و شرعه
.
انا صرت مجنونك مثل قيس مع ليلاه
وانا الظاهر اني زدت في حبك الجرعه
.
ومن زيادته اصبح حبيبك يعد خطاه
يعاني من الحرمان والفقد والفجعه
.
نضم لك من الابيات ما لم يتم احصاه
قوافي فريده نادره جات مجتمعه
.
لعل وعسى تسمع من اللي كتبت اشواه
وتاخذ من اشعاري وتقرى كذا طبعه
.
ولك الله ياقلبً تعنا وزاد بكاه
لاتبكي على زرعٍ ذبل من قبل زرعه
.
ياقلبي انا مااقدر اوقف كذا و اتناه
ياقلبي انا لابد ما ارمع لي برمعه
:
نايف بن مشعل

 

عن admin

Avatar

اترك تعليقاً

لن يتم نشر عنوان بريدك الإلكتروني.