الرئيسية / ابداع القوافي / وجيهنا تندا من الطيب و الجود

وجيهنا تندا من الطيب و الجود

نجمل ولا نبغي للاجواد مردود
إلا الثنا لامن عليهم طرينا 
 
وجيهنا  تندى من الطيب والجود
ومانلحق المنات لامن عطينا
 
وكبيرنا يفرح بنا لاغدا عود 
نوقره ونقدره ماحيينا 
 
يجلس على المركى وناتيله وفود 
ونحب رأسه والخشم واليدينا 
 
 
وصية من جدنا مابها زود
إلا.. تكاتفنا وطالة يدينا
 
ونشوم عن هرج يجي فيه منقود
والي حكينا بالحكي ماغوينا
 
نبذل على وضح النقا كل مجهود
ونقدر الي فالمواقف يجينا
 
وخوينا لاصار معسر ومحدود 
بنا له بوقت الطلب ما اختفينا
 
نبذل له نقود ونفديه بنقود
لو نستلف من غبرنا ما ارتخينا
 
والجار والعاني ليا هبه النود
جيناه صفن لونا مادعينا
 
ورفيقنا لآثار للحرب بارود
قمنا معه دون الرفق واحتمينا
 
ان غلط نسمح له والا صار مضهود
دونه وقفنا من يسار ويمينا
 
فينا حميا كنها نايد الطود
ورثن لنا من ماضيات السنينا
 
حرار واسود وشياهين وفهود
وما نخطي الرميه ليا من رمينا
 
والجود فينا كل الازمان موجود
والطيب والناموس مغروس فينا
 
نجمل ولا نبغي للاجواد مردود
إلا الثنا لامن عليهم طرينا 
 
وجيهنا  تندى من الطيب والجود
ومانلحق المنات لامن عطينا
 
 
مانع الملاطي

 

عن admin

Avatar

اترك تعليقاً

لن يتم نشر عنوان بريدك الإلكتروني.