الرئيسية / ابداع القوافي / السبع المثاني

السبع المثاني

هيلة القحطاني _ الرياض

يا مدار الجدي وسهيل اليماني
بي من الضيقات ما حطّم ظلوعي

آه يا هم ٍ عن النوم يحداني
دمعي آهلّه وزفراتي تروعي

من هزيع الليل الآول للأذاني
قادني للحزن لو ماهو بطوعي

اتسمّر من عذابي في مكاني
كنّه يْقيدني ويعلن خضوعي

الطعون اللي تتالت بالمحاني
تحشد الآلام لي من كل نوعي

وارْتِفعْ له فوق ماني بالطماني
وإن جزع غيري فلا قلبي جزوعي

اتجرّع كاسها وآعلّ ثاني
ومن دورب العز ما شبحي قنوعي

احتزم بالله… و (السبع المثاني )
وأستتر بالصمت لو جرحي يروعي

وقافي اللي لا زهمته ماعصاني
فيه من طبع الحرار ومن طبوعي

شواهق نجد

عن حمده الرسلاني

Avatar

اترك تعليقاً

لن يتم نشر عنوان بريدك الإلكتروني.