الرئيسية / ابداع القوافي / ‏دعوة شوق : محمد لافي الزايدي

‏دعوة شوق : محمد لافي الزايدي

                                                     

و احر قلبي كل ما قلت اباسلاه
اشعل لواهيب الوله رمش عينه

عين ٍ تفج الصدر و تحرر الاه
و تبيّح اسرار القلوب الدفينه

تاخذ من المطنوخ عقله و تنساه
و تبحر بغايات العقول الرزينه

اتوه فيها من اول الحب لاقصاه
و انسى جروحي و الليال الحزينه

سبحان من صور جماله و حلّاه
كن الشهد مصنوع من وجنتينه

و صله هناي و غاية اللي تمنّاه
ورد الحياه ورود من شفتينه

نعيم من حظه ردا فيه و اشقاه
يحيا به الدنيا و لو هي غبينه

حدتني الدنيا عن دروب دنياه
و اظلم سمايه عقب طلة جبينه

و الليل تسريبه ركاب المعاناه
و يدكّ صبري لا تسائلت وينه

يا ليتها لحظه من العمر وياه
تغني عن حضور الغوان الحسينه

و انا احبه و اعشقه و اطلب ارضاه
و فدوه حياتي لجل ضحكت سنينه

لا جيت ألبي دعوة الشوق و انصاه
واعيش آمال ٍ لشوفه رهينه

يردني واقع على الصمت يحداه
مُر ّ الزمان و هالظروف اللعينه

راعي ولع

 

عن حصة بنت عبدالعزيز

حصة بنت عبدالعزيز
سألني أحدهم عن كنة الصمت . فقلت : الصمت هو تعالي الذات عن سفسفة السفهاء ، فـ لهم عربدة الكلام ولي لمعان الصمت !! الكاتبة الصحفية / حصة بنت عبدالعزيز

اترك تعليقاً

لن يتم نشر عنوان بريدك الإلكتروني.