الرئيسية / ابداع القوافي / سلالة ورد : العاطفة

سلالة ورد : العاطفة

 

 

سؤال يراود افكاري اذا ريتك
سلالة ورد أصلك او سلالة طين !

انا بآخر دروب الياس ألفيتك
وعرفت ان الأمل أشرق بنظرة عين

خطيت اول دروب الحب واعطيتك
كثير مْن الشعور اللي تعرْفه زين

كتبتك شعر، لحّنتك، وغنيتك
وانته يا بعد حيي وفيت الدين

وهذا القلب يا عمري غدا بيتك
وبعيوني اشوفك شخص عن ألفين

ومن طيبك وطيب اصلك وتربيتك
انا وصّلت في حبّك تعَرف لوين؟

إلى ما لا نهاية بس يا ليتك
تعوّد من غيابٍ صار له يومين

بيوم السبت ودعتك ووصّيتك
غيابك لا يطول اكثر عن الاثنين

بأعلى حبال “شوقي” قمت ناديتك :
ابيك بسالفة تتعلق بقلبين

واذا ما ييت ولاّ انا ترى ييتك
لأن السعد في قربك، وبعدك شين

انا من بدّ هالعالم تمنيتك
طلبتك لا تفرّق شمل ذات البين

عيونك آخر دروبي وانا خطيتك
واذا ضيعتها دروبك اشوفك وين؟

 

عن admin

admin

اترك تعليقاً

لن يتم نشر عنوان بريدك الإلكتروني.