الجو طيّب

 الجو طيّب والمعاني جزيلات
و انا على بدع الجزيلات ضاري
 
ياهاجسي هات البيوت الجميلات
 الي صداها بالجبل والصحاري
 
وجدي على خوة رجال المهمات
اخاوي الاجواد و اشب ناري
 
اهل الكرم والدين واهل المروات
مسارهم مايختلف عن مساري
 
اقولها واعيدها عشر مرات
شاعر و اصدر من بيوتي قراري
 
من شانهم بقطع طويل المسافات
واصبر على شمس الضحى والمساري
 
سجه مع الاجواد تسوا العمارات
امّا على الفكس ار ولا السفاري
 
خوة نشامى بين روحه وجيات
في خايعٍ ممطور والسيل جاري
 
هذا اختياري كان يوجد خيارات
وان كان بالتصويت هذا اختياري
 
  الشاعر: صالح ال سفران  القحطاني

 

عن admin

Avatar

اترك تعليقاً

لن يتم نشر عنوان بريدك الإلكتروني.