الرئيسية / ابداع القوافي / هذي بلادي ديرتي قرة العين

هذي بلادي ديرتي قرة العين

مزيونه وفِي صدرها ظمت اثنين     الله عطاها من الجمال وكساها
 
وتكاثرو عشاقها بالملايين              لاكنها صعبه على من بقاها
 
من دونها مسرى يبي عدة سنين       ولياسرو ماشرعو في حلاها
 
بنت الفخر ماتعشق الا السلاطين       فراشها من تحتها وهم غطاها
 
ستر وذرى من دونها اشناب شرسين    يسعد مسا من حشّموها و مساها
 
هذي بلادي ديرتي قرة العين           فيها شقى نفسي وفيها هناها
 
المسجدين الطاهرين الشريفين          ياقبلة الاسلام للي بغاها
 
وحنا على نهج النبي مستتبين          ودستورنا القران فيه انتباها
 
وحدودنا فيها دروع وسكاكين          بنحور منهو طامع في حماها
 
فخر العرب فيها القصايد دواوين      من حشمته تحشم مداين وراها
 
وجيرانها مستانسين وغنيين            من خيرها تعطي لغيره عشاها
 
وصلو على خير البشر يامصلين      اللي احاديثه علينا رواها
 
الشاعر   جبل غازي الشمري

عن admin

Avatar

اترك تعليقاً

لن يتم نشر عنوان بريدك الإلكتروني.