الرئيسية / ابداع القوافي / صوغ ياشعري : الشاعر مفلح الثبيتي

صوغ ياشعري : الشاعر مفلح الثبيتي

 

 

صوغ يا شعري بقايا من فتات الاستجابه
وانشر الماضي بصفحة عل تقراها عيونه

قله ان الصبح عاري بعد ما شقوا ثيابه
واحرقوها في متاهه ودهم.. ما يعّرفونه

غرهم ليلٍ ظلامه يطمس المعنى نهابه
مادروا للصبح شمسٍ تكشف اللي يسترونه

عيش في غيك ثواني ما توقيك العصابه
ما يطول المجد راسٍ سار في درب المهونه

سيفك اللي (تعتزي به) كف غيرك في نصابه
ياغرير الحرب عَوّد…. لاتضَيّعك الرعونه

لاتبرى من زمانٍ حطنا فوق السحابه
وانحنت له روس.. روسٍ قبل ما ترمش عيونه

عيش يا حرفي مشرد لاتجنسك الرقابه
لاتنفس من هواهم وانشر اللي يجهلونه

دام تقوى للتحدي انقل الصورة كتابه
انت ماضي وانت حاضر صعب منّا يسرقونه

ونّتي ماهي نهايه (لا) ولامغرم صبابه
ونّتي نزف القوافي لــ انْكتب ما يفهمونه

 

 

عن حمده الرسلاني

Avatar

اترك تعليقاً

لن يتم نشر عنوان بريدك الإلكتروني.