الرئيسية / ابداع القوافي / طريق الموت : حياة بكري

طريق الموت : حياة بكري

 

 

خبت ياصبري ولاودي يكنك صبري
يمكن اني لو اضيق ازلزل الكينونة

يمكن اني لو حكيت عن الوجع من بدري
يمكن افرج لأزدواجياتنا المرهونه

ودي اكتب للملا حزني بقافٍ شعري
عن طريق الموت وارواحٍ غدت مدفونه

مات غيث ومات مالك وش حصل ؟؟ماندري
لا تقْل كان السبب بالسرعه المجنونة

ليت ياشعري …وليت الحل يصبح جذري
كم غدى به من ضحية والعرب ينعونه

هو طريق الموت يتنقى الشباب العصري
ثروتك ياموطني راحت وهي مغبونه

ازدواجه من ثلاث اعقود حلمٍ عذري
لاهو اللي تم ولاهم عزموا يلغونه

والحسايف قالوا ((الاقدار فينا تجري
عزوا اهله واحسبوا يومين وبينسونه))

المهم…. اني احس النار ترعى صدري
يوم (سموه) السياحي …والخطر مضمونه

والسؤال اللي اجاباته تشتت فكري
ياطريق الموت كم (ونعم) هله يبكونه

 

عن حمده الرسلاني

Avatar

اترك تعليقاً

لن يتم نشر عنوان بريدك الإلكتروني.