الرئيسية / ابداع القوافي / و جودي : الشاعرة فوز العنزي

و جودي : الشاعرة فوز العنزي

 

وجدي على اللي مالي بغير لاماه..
وجد الغريب اللي من الهم ذاوي..

و وجدي على قربه و وصله ولقياه..
وجد الذي من الهم طاويه طاوي..

و يا وجد عيني لشوف زوله و ممشاه..
وجد الذي ماله طبيبً مداوي..

مالي جدى ياكود ترديدة الآه..
و دمعً اهله لا سمعت الغناوي..

يفز قلبي كل ما حل طرياه..
فزت سجينً داخله ذيب عاوي..

اي والله اني ابيه و ابغيه و اباه..
ماني على النسيان و البعد قاوي..

اسلّي الخافق بصوته و ذكراه..
و صورته تاخذني لذيك الحراوي..

اغيب عنه و يحسب اني ابنساه..
و قلبي على النسيان ماهوب ناوي..

حسبي على حظً رمى القلب واشقاه..
قلبً قضى عمره مشرّد شقاوي..

مداهيل

 

عن حمده الرسلاني

Avatar

تعليق واحد

  1. Avatar
    المنشد يحيى جعفري

    صح لسانك يا استاذه مداهيل مبدعه كالعاده والأستاذه حمده بيض الله وجهك على التحرير والتعب

اترك تعليقاً

لن يتم نشر عنوان بريدك الإلكتروني.