ارضك ذهب :عواض عبدالرحمن الشهيب

 

 

أرضك ذهب يابلادي وامسياتك غرام
نسايمك ريح هيل ومنهح اهلك بياض

بردك دفى المعدمين وفي هجيرك سلام
خيرك على الكل وصدور المواقف رياض

قبلة ومهبط وحي وتظم خير الأنام
تحت ثراها بعد هديه على الكون فاض

منها السلام ابتداء والنور فج الظلام
ارعودها تسكب الماء لين سارت فياض

حرة سمت عن دعاة الشر والانقسام
مصيونة العرض مادانت لفكر المراض

حدودها من على عبدالعزيز الإمام
أطرافها حد سيف وقلبها بالرياض

اجبالها شامخة وافجوجها ما ترام
عز ومهابة وفيها كل عجلان راض

ياهيه ياللي عليك الذل والموت حام
ضاقت عليك الوسيعة والطوال العراض

ماخذتها بالكرامة يوم جاتك شمام
لويتها لين حتى كل مطنوخ هاض

واليوم هاذي بلادي حدها مايرام
نسيمها ريح هيل ونهج اهلها بياض

 

 

عن حمده الرسلاني

Avatar

اترك تعليقاً

لن يتم نشر عنوان بريدك الإلكتروني.