حبّ الوطن :ريوف القوافي

 

اهــدي تـحياتي .. مـع قـاف ولـحن
لـلـي بـوَصْفه لـه حـروفي .. عـازفه

لو ماكتبت الشعر في “حبّ الوطن”
مـاعـاد لابـيـات الـقـصايد ..سـالـفه

هـذي الـديار الـلي لـها الـعالم فطن
شـعـب وحـكومه بـالولا … مـتحالفه

تـجاوزوا مـع بعضهم ….كل المحن
وقـلـوبـهـم لــجــل الــوطــن مـتـوالـفه

عـلـى أصــول كـتـاب ربـي والـسنن
مــانـنـتـمـي لـــحْـــزاب ولاّ طــايــفـه

يـابو فـهد لـك تخضع حصون ومدن
حـنّـا جـنـودك فـي الـظروف الـكالفه

أنت العزم وانت الحزم وقت الفتن
سلـمان ياقـــايد زمـام العاصــفه

وِسـادة الـجندي ..عـلى حـدّك كـفن
لا صــارت جـيوش الـمعادي قـاصفه

نِـرخـص لــك الارواح لاجــار الـزمن
مـعـك مـعـك نـرقـى الـجـبال الـنايفه

وهــذا مـحـمد نـعـتزي بـاسـمه عـلن
هــذا ولـي الـعهد ……كـلن عـارفه

صــدره لـشـعبه بـالغلا بـيت وسـكن
مـايـلـتفت صـــوب الـهـروج الـزايـفه

هـذا الـبطل ..هـذا الـحفيد الـمؤتمن
سـيف الـنصر وقت الشدايد كاشفه

يـــا مـمـلـكتنا والأمـــل بــك مـرتـهن
اكـتب لـك شـعورٍ يسُوق العاطفه

مـعـشوقتي فــي ذمـتـي مـالك ثـمن
كـــل الـمـشـاعر لـجـل حـبّـك نازفه

 

 

عن حمده الرسلاني

Avatar

اترك تعليقاً

لن يتم نشر عنوان بريدك الإلكتروني.